السلام اعليكم ذكورا و السلام اعليكمات اناث،الرجلي كان واحل وللا ڨااااااع مزال فذي شنكة بنكة اللي ڨالت قف  نوبة وحدة،والا لا تسولي الحال امتييين وشاح مخالط فيه دباسها وعباسها…المعتمر و الدولة لهي تعود اجديدة قصدي زاد لهي يسموها اسم امڨيلل بعد و المغريب يعطيه التخريب ماتلا متفاوض ونافظ ايدو ڨاع من ارواية جملة و تفصيلا كيف اتڨول ليذاعة هاذا عايد موجيبو….تميت راقد الين تلفلي واحد من رقم مخفي، و رد اعليا ياسر من لخبار خلكت في ابلد واحد:

عن المغرب ماتلا باغي يتفاوض، وعن الدولة لاهي ايبدلو اسمها، و اعقاب لخبار كاع اتجيبو ارواية الرئيس قرر عنو لاهي يوفى من المنصب ولا اتلا مترشح، هذ القصف اللي جاني في ذي التلفون اربكني ماني عارف كاع  ايهم لاهي ارد اعليكم :

في ما يخص التفاوض انقول للمغاربة  اجدييييييدة هذي يعني وقفنا الحرب وادخلنا السلم والتفاوض مع لعدو باش ينحل النزاع بطريقة سلمية واظريك لعدو ايقول عنو ماهو متفاوض يا المغرب لا تفهمنا غلط نحن عينا اعلا التفاوض ماهو لنتفاضة المفاوضات ماهي الانتفضات، وانت الى ما اتفاوضت معانا نحن فاش لاهي نوحلوا واشلاهي انكولو لي رجلينا…و لاهي نتفاوض مع من؟… نحن مشكيلتنا كاع اللا  طبينا اعلى التفاوض… رانك الا ما جيت للتفاوض لاهي نتفاوضو و اللود لي حد يلعب عنك في بل الغايب….

تغيير اسم الدولة الا من زر ذا اللي كنا انقولو الا الامانة الوطنية المغرب ماتلا متفاوض معاها و هي انخبلت على التفاوض و عادت تتفاوض مع راسها و راعى  اسم الدولة شي يوتحل فيه يغير العلة ما ذيك هي العلة عنا الى بدلنا اسم الدولة لاهي انبدلوا ياسر من التواغط البصبورات ولكرن و…..

امال ذا اللي قال الرئيس زين و موقف شجاع و بما ان ياسر من الرجلي ابدا في التجمع و الاصطفاف القبلي لعلى ايعود الرئيس ازكي وانا بعد مقرش عنو هذي المرة ازكي .. انا لقاف شقو ماني لاهي انعود الوراني لاهي نجمع معايا جميع اللكاكة و اللكافة و السفاكة و كايس الموعتمر .

ويحرق بي امك يا الوراني…اح كون اول لا اتكون اعكاب…..

ولاهي ننقل بحول الله صحة لخبار اكبال ماهي اسواقى اصى ولا رد لستفراغ.وني بيكم كاملين و كاملات و الميعاد قاعة الموعتمر ،لكم تحيات المواطن المحترم قصدي المؤتمر:لقاف شكو.